Fólkatingið avgreitt lógina um teleinfrastruktur

Lógin, sum knýtir saman fjarskifti og trygd, varð samtykt við triðju viðgerð í fólkatinginum í gjár.

Trine Bramsen, verjumálaráðharri, eigur lógaruppskotið.

Lógin skal tryggja veitingartrygd í sambandi við kritiskan teleinfrastruktur. 

Stúrt verður fyri, at Kina sleppur fram at fjarskiftinum í danska ríkinum, og tí er ætlanin, at Grønland og Føroyar eisini skulu gera líknandi lógaruppskot.

Trygdarmál donsk

Føroyar hava yvirtikið málsøkið, men trygdarmál eru framvegis á donskum hondum. 

Nú skulu londini í ríkisfelagsskapinum finna útav, hvussu slíkt uppskot skal snikkast saman, uttan at tað rakar yvirtikin málsøki.

Embætisfólk úr Danmark og Føroyum arbeiða  við at finna ein slíkan leist.

Danska lógin kemur í gildi 1. juli í ár.