Matvørurnar beindar burtur

04.06.2021 - 16:07
AktueltVinna
Matvørurnar beindar burtur
Heilsufrøðiliga starvsstovan tók løggildingina frá Sjógæti 16. apríl
Sjógæti misti løggildingina 16. apríl eftir at Heilsufrøðiliga Starvstovan staðfesti, at virkið hevði framleitt vøru við Norðskála, hóast tað hevði fingið boð um at gevast við allari framleiðslu
 

Matvørurnar, sum vóru á goymslu hjá Sjógæti, tá virkið misti løggildingina tann 16. apríl, eru burturbeindar. 

Tað váttar Heilsufrøðiliga Starvstovan fyri útvarpinum í dag. 

Sjógæti misti løggildingina 16. apríl eftir at Heilsufrøðiliga Starvstovan staðfesti, at virkið hevði framleitt vøru við Norðskála, hóast tað hevði fingið boð um at gevast við allari framleiðslu. 

Tó var óvist, hvat skuldi henda við vørunum, sum virkið hevði á goymslu, eftir at boð vórðu givin um, at eingin vøra mátti fara inn og eingin út frá virkinum eftir 16. apríl. 

Ymiskar matvørur 

Men maturin er nú burturbeindur.

Tað váttar Malan Nicolinudóttir Mikkelsen, deildarleiðari á matvørudeildini á Heilsufrøðiligu Starvstovuni. 

Hvussu nógv talan er um, er óvist. 

Millum vørurnar, sum eru burturbeindar, eru heitroykt fløk av makreli og laksi, heilroyktur makrelur, kalvasalat, fiskafars, havskrubbuflak og hvítingaflak.

Virkið fekk tó loyvi at selja fesk og fryst raspað fløk, sum vóru framleidd, áðrenn virkið fekk forboð fyri at framleiða hesar vørur. 

Er kopiera
Nýggjastu sendingar í ÚV
Nýggjastu sendingar í SV
Hósdag 29. juli
Tingið verður sett
127016
Hósdag 29. juli
Guðstænasta úr Havnar kirkju.
127005
Mikudag 28. juli
Á ólavsøku
126992
Mikudag 28. juli
Video: 5mf gentur, ólavsøka 2021
126991
Mikudag 28. juli
Video: 10mf, ólavsøka 2021
126990