Eriksen: “Takk fyri stuðulin. Eg havi tað gott”

"Stóra tøkk fyri tykkara fittu og fantastisku heilsanir og boð frá allari verðini. Heilsanirnar hava nógv at siga fyri meg og mína familju."

Soleiðis skrivar Christian Eriksen í einum boðum á Twitter vanganum hjá DBU. Hetta er fyrstu ferð, at umheimurin sleppur at síggja Christian Eriksen, eftir at hann small um við hjartasteðgi í Parkini og fekk hjartamassasju og stoyt frá einum hjartastartara fyri at koma aftur til lívið.