Eru framvegis nummar 31 á hvíta lista

Føroyar eru framvegis á 31.plássi á hvíta listanum hjá ParisMoU.

41 skip eru á hvíta listanum.

ParisMoU kannar skip, sum koma í havnir í Evropa og í londum við Norðuratlantshav, fyri at vita, um trygdin umborð er í lagi.

Sjóvinnustýrið sigur, at orsøkin til, at Føroyar standa í stað á listanum, er, at londini framman fyri okkum eisini gerast betri.

Sjóvinnustýrið fegnast

Sjóvinnustýrið fegnast um, at skip, sum vera afturhildin, eru støðugt færri.

Í fjør var bara eitt afturhildið, tí alt var ikki í lagi umborð.

Higartil á ár er einki skip, sum hevur føroyskt flagg, afturhildið.

ParisMoU hevur eisini ein gráan lista og ein svartan.