Tingið viðger uppskotið um inntriv í dag

Sambært dagsskránni hjá løgtinginum, fær uppskotið hjá Helga Abrahamsen, landsstýrismanni, um at leingja sáttmálarnar hjá Pedagogfelagnum um ávís størv hjá Almannaverkinum, fyrstu viðgerð í dag klokkan tíggju.

Tá verður mótmælistiltak uttan fyri Tinghúsið.

Fakfeløgini hava fund klokkan níggju.

Í gjár boðaði Pedagogfelagið frá, at allir limir felagsins fara alt fyri eitt aftur til arbeiðis, um Helgi Abrahamsen tekur aftur lógaruppskotið hjá sær. 

Felagið beyð sær til seta verkfallið í bíðistøðu.

Helgi Abrahamsen segði í gjár, at hann hevur ikki samráðingarnar undir hond, og kann tí ikki noyða nakran aftur til samráðingarborðið. 

Men hann legði afturat, at um partarnir taka samráðingarnar upp aftur fyri tingfundin í dag, vil hann biðja løgtingsformannin um at útseta viðgerðina, sum er á skránni í dag.