Uppskotið tikið aftur - tingfundurin avlýstur

20.06.2021 - 09:38
AktueltPolitikkur
Uppskotið tikið aftur - tingfundurin avlýstur
Tað gevur onga meining at hava tingfund, nú landsstýrismaðurin hevur tikið uppskotið aftur, sigur løgtingsformaðurin
Helgi Abrahamsen, landsstýrsmaður, hevur tikið uppskotið aftur, og tí verður málið ikki viðgjørt meira í tinginum.
Mynd: Bjarni Árting Rubeksen  
 

Helgi Abrahamsen, landsstýrismaður í arbeiðsmarknaðarmálum, hevur tikið aftur uppskotið um at lóggeva undantøk fyri ávís størv undir Almannaverkinum, og samstundis er tingfundurin, sum skuldi vera í morgin, avlýstur.

Í brævi til løgtingsformannin sigur Helgi Abrahamsen, at nú semja er gjørd millum Føroya Pedagogfelag øðrumegin og Fíggjarmálaráðið og Kommunala arbeiðsgevarafelagið hinumegin, verður lógaruppskotið tikið aftur.

Fór í rættarnevndina

Tingið hevði fyrstu viðgerð av uppskotinum fríggjadagin. Málið varð beint í rættarnevndina, sum skuldi hava fund og innkallingar í morgin.

Ætlanin var so at hava tingfund seinnapartin í morgin, har rættarnevndin skuldi leggja álit fram.

Jógvan á Lakjuni, løgtingsformaður, sigur í morgun, at nú semja er gjørd, og landsstýrismaðurin hevur boðað frá, at hann tekur uppskotið aftur, gevur tað onga meining at viðgera málið meira í løgtinginum. Tí verður tingfundurin, sum skuldi vera klokkan 16 í morgin, avlýstur.

Myndin varð tikin mikudagin, tá Jógvan á Lakjuni fekk lógaruppskotið frá Helga Abrahamsen, landsstýrismanni, at leggja fram. Nú er uppskotið tikið aftur.

Mynd: Bjarni Árting Rubeksen

Er kopiera
Nýggjastu sendingar í ÚV
Fríggjadag 17. september
Mono: Tilflytararnir (1:6)
128697
Fríggjadag 17. september
Morgunlestur fríggjadagur 17.september 2021
128184
Hósdag 16. september
RagnarRokk 16.september 2021
128588
Hósdag 16. september
RagnarRokk: Einar Solberg um Aphelion
128585
Nýggjastu sendingar í SV
Fríggjadag 17. september
RagnarRokk Reyp 23.september 2021
128699
Týsdag 14. september
VIDEO: 100 kvinnur maskinbinda
128599
Týsdag 14. september
VIDEO: Burgari a la GMF
128590
Týsdag 14. september
RagnarRokk Reyp 16.september 2021
128578