Stórt OL-vónbrot fyri Sverra

Vónirnar vóru so góðar til, at Sverri Sandberg Nielsen kundi vinna OL-heiðursmerki í Tokyo. 

OL-finalan byrjaði eisini akkurát sum hon skuldi, tí Sverri fekk ein dreymastart og legði seg beinavegin á odda. 

Tað gjørdi Sverri Sandberg Nielsen eisini, tá farið var um 500 metra merkið.  

Sverri Sandberg Nielsen, OL

Grikkin streyk avstað

Men so byrjaði ferðin hjá griska Stefanos Ntouskos brádliga at økjast ógvusliga. Grikkin streyk fram um bæði Sverra Sandberg Nielsen og Kjetil Borch úr Noregi. 

Grikkin helmaði ongantíð í, men økti javnt og samt fram móti málinum. 

Sverri Sandberg Nielsen royndi at svara aftur, men tíverri munaði tað ikki.

Sverri Sandberg Nielsen, OL

Sverri dragnaði

Heldur tvørturímóti dragnaði Sverri Sandberg Nielsen.

Kjetil Borch fór framum og í spurtinum, har Sverri Sandberg Nielsen plagar at vera so sterkur, steðgaði Sverri heilt upp.

Beint áðrenn málstrikuna varð miðvingurin eisini yvirhálaður av kroatiska Damir Martin, so hann endaði á fjórða plássinum og uttan eitt OL-heiðursmerki at vísa á.

15 hundraðpartar skiltu Sverra Sandberg Nielsen frá bronsu-heiðursmerkinum. 

ol rógving

OL-finalan