Føroyar nummar 20 í heiminum

Føroyar eru nummar 20 á listanum við londum, har flestu fólk hava fingið bæði prikini.

Eftir einum lista hjá Johns Hopkins University, sum varð kunngjørdur í gjár, at døma eru Føroyar nummar 20.

Í gjár vóru 55,5 prosent av øllum føroyingum koppsett tvær ferðir fyri koronu.

Føroyar eru ikki á listanum hjá Johns Hopkins, men har er Ungarn nummar 19 við 55,7 prosentum og Portugal nummar 20 við 55,4 prosentum.

Malta er nummar eitt

Malta er nummar eitt. Har eru 76,1 prosent liðugt koppsett.

Sameindu Emirríkini eru nummar tvey við 71,5 prosentum, og Ísland er á triðja plássi. Har hava 70,4 prosent av fólkinum fingið bæði prikini.

Í Danmark er talið 54,9 prosent og í Grønlandi 46,1 prosent.

Føroyar eru nummar tvey í Norðurlondum, verður listin hjá Johns Hopkins University brúktur.