Felagskvota liggur ikki í kortunum

Eingin ætlan er um at skipa fiskiskapin eftir makreli við felagskvotu.

Jóhannis Joensen, løgtingsmaður, hevur spurt Jacob Vestergaard, landsstýrismann, um makrelfiskiskapin.

Millum annað spyr hann, um felagskvota kemur, so til ber at fiska stóru makrelkvotuna í ár.

Jacob Vestergaard svarar, at fiskiskapurin er skipaður í kunngerð. Flest allar kvotur eru eginkvotur. Og ætlanin er ikki at koma við felagskvotu.

Vørn hevur ikki fingið fráboðan um, at nøkur eginkvota er uppi, sigur Jacob Vestergaard.