Skert føroyskt lið á vøllin móti Spania

Lene Terp hevur sett liðið, sum skal spæla HM-undankappingardyst ímóti Spania á Tórsvølli um ein lítlan tíma. Liðið stillar upp í eini 5-4-1 uppstilling.

Nakrir lyklaspælarar sita uttanfyri við skaða. Jacoba Langgaard, sum hevur verið nógv í miðverjuni saman við Biritu Ryan, er ikki tøk. Miðvallararnir, Sara Samson Lamhauge og Kára Djurhuus eru eisini darvaðar av skaða og fáa ikki spælt.

Í álopinum fær Maria Biskopstø, sum hevur staðið seg væl í KÍ í ár, sín fyrsta landsdyst.

Dysturin millum Føroyar og Spania byrjar klokkan 18.00, og hann verður vístur beinleiðis á Rás1 hjá Televarpinum.

Føroyar:

Óluva Joensen; Ásla Johannesen, Rakul Maria Johannesen, Birita Ryan, Sarita Maria Mittfoss, Julia Naomi Mortensen; Sanna Svarvadal, Jensa Tórálvsdóttir, Heidi Sevdal, Lea Lisberg; Maria Biskopstø