Stórur eldur í húsum á Tvøroyri

Um hálvgum tíggju tíðina í morgun fekk løgreglan boð um, at eldur var í einum húsum á Tvøroyri. Talan var um stóran eld, og av tí at tætt er millum húsini í økinum, var farið undir at tryggja grannahúsini beinvegin. Av løgreglustøðini siga tey, at tað tók hálvan tíma at sløkkja eldin. Eingin fólkaskaði var av hendingini, men húsini eru illa farin av eldinum.