Biðja um uppskot at manna nýtt ráð

Ráðið fyri gransking, menning og nýskapan skal nú setast fyri fyrstu ferð.

Og Uttanríkis- og mentamálaráðið sóknast eftir uppskotum um ráðslimir.

Øll kunnu senda ráðnum uppskot í seinasti lagi 1.november. Sjey fólk skulu vera í ráðnum.

Geva landsstýrinum ráð

Ráðið skal geva landsstýrinum og vinnuni ráð um gransking, menning og nýskapan.

Meirilutin í ráðnum skal hava granskingarførleika í minsta lagi á lektarastigi. Og fleiri skulu hava viðkomandi og drúgvar royndir úr vinnuni.

Sambært kunngerð tilnevnir landsstýrismaðurin í mentamálum forfólk og seks ráðslimir eftir tilmæli frá trímannanevnd, sum viðger øll innkomnu uppskotini.