Umstríddur forseti leggur frá sær

Umstríddi forsetin á Filipsoyggjunum, Rodrigo Duterte, boðar í dag frá, at hann leggur frá sær við næsta val. Hann boðar somuleiðis frá, at hann gevst í politikki. 
Tað er ikki váttað enn, men hildið verður, at dóttur hansara, Sara Duterte Carpio, fer at royna at blíva vald í pápans stað. 

Umstríddur

Rodrigo Duterte er serliga umstríddur fyri sítt stríð ímóti rúsevnum. Altjóða dómstólurin í Haag, hevur fyri kortum sett eina kanning, sum skal gera av, í hvønn mun Duterte er samsekur í fleiri drápum. 

Forsetin hevur fleiri ferðir heitt á løgreglufólk um at drepa rúsevnismisnýtarar.