"Skál" sloppin við á filmsfestivalin í Lübeck

Heimildarfilmurin "Skál", eftir Mariu Tórgarð og Cecilie Debell, verður vístur á kenda norðurlendska filmsfestivalinum í týska býnum Lübeck

Dania O. Tausen er høvuðspersónur í heimildarfilminum "Skál", sum nú er sloppin við á filmsfestivlain í Lubeck

Mynd: Skál

Uni L. Hansen

13.10.2021 - 18:17

Sterki og nógv rósti danskt-føroyski-heimildarfilmurin "Skál", sum snýr seg um 22 ára gomlu Daniu Tausen, sum er uppvaksin í brøðrasamkomuni á Toftum, men sum fer gjøgnum eina broytingstíð, eftir at hon er flutt til Havnar at lesa, er sloppin við á sterka norðurlendska filmsfestivalin í týska býnum Lübeck, Nordische Filmtage Lübeck.

Tað eru tær báðar Maria Tórgarð og Cecilie Debell sum hava leikstjórnað "Skál".

Umframt at "Skál" verður vístur á norðurlendsku filmsdøgunum í Lübeck, so er filmurin eisini við í kappingini at verða kosin besti heimildarfilmur. Umframt heiðurin, so fylgja eisini 5000 evrir við, sum eru 37.000 krónur, um filmurin vinnur.

Í fjør var tað danski heimildarfilmurin um Grønland, "Kampen om Grønland", eftir Kenneth Sorento, sum vann fyri besta heimildarfilm.

Tað er 63. ferð at Nordische Filmtage verða fyriskipaðir í Lübeck.