Kongsberg: Drap við hvøssum vápni

19.10.2021 - 13:53
AktueltÚtheimurin
Kongsberg: Drap við hvøssum vápni
Gerningsmaðurin brúkti fyrst boga og píl, men seinni brúkti hann eitt hvast vápn at drepa við
Løgreglan kannar bústaðin hjá 37 ára gamla manninum, sum er skuldsettur fyri at hava dripið fimm fólk í Kongsberg.
Mynd: RitzauScanpix  
 

Norska løgreglan upplýsti á tíðindafundi í gjár, at álopið í Kongsberg var framt við einum hvøssum vápni og ikki við boga og píli, sum áður sagt.

Gerningsmaðurin drap fimm fólk og særdi trý í miðbýnum í norska býnum Kongsberg í síðstu viku.

60 vitni eru avhoyrd í málinum.

Sambært løgregluni, hevði 37 ára gamli maðurin í fyrsta umfari skotið við boga og píli inni í einum matvøruhandli, men eftir tað legði hann bogan frá sær og brúkti í staðin eitt hvast vápn til at drepa við.

Særdur løgreglumaður ávaraði

Ein løgreglumaður, sum hevði frí, varð raktur av einum píli, og hevði við pílinum í bakinum ávarað fólk uttanfyri um, hvat hendi.

Síðani flýddi gerningsmaðurin frá staðnum og leyp á fólk í nærumhvørvinum við hvøssum vápni.

- Tað hendi bæði í privatum heimum og á almennum støðum. Tað tykist sum offrini eru tilvildarliga útvald, segði Per Thomas Omholt, løgregluovasti, á tíðindafundinum í gjár.

Sálarsjúka helst orsøkin

Eingin greið orsøk er til álopið, og løgreglan sigur, at sálarlig sjúka helst er orsøkin.

37 ára gamli maðurin hevur fyrr upplýst, at hann var umvendur til islam, men sambært løgregluni, er tað ikki satt.

- Hann hevur tosað alment um tað, men hevur ikki gjørt tað, segði Omholt.

Er kopiera
Nýggjastu sendingar í ÚV
Sunnudag 28. november
Meg minnist
131928
Sunnudag 28. november
Guðstænasta úr Funnings kirkju
131923
Sunnudag 28. november
Elin Brimheim Heinesen er gestur í Brunsj
131920
Sunnudag 28. november
Credo: Av Matterhorn í Leirvíkstún
131887
Leygardag 27. november
TEMAPLÁTAN: Coming Up, Suede, 1996
131829
Nýggjastu sendingar í SV
Fríggjadag 26. november
Lyst 45
131845
Fríggjadag 26. november
RagnarRokk Reyp:Gus G
131854
Hósdag 25. november
Skál
131835
Mánadag 22. november
3-2
131685