- Tíðindi, mentan og ítróttur
Skottilburðurin í Miðvági fyri Eystara landsrætt
Skottilburðurin í Miðvági fyri Eystara landsrætt
Nú Eystari landsrættur er í Føroyum, skal hann millum annað viðgera málið um mannin, sum skeyt eftir politinum í Miðvági í desember í 2019
Mynd: Savnsmynd
28.10.2021 - 07:45
Eitt nevningating í Føroya rætti dømdi í mai 37 ára gamla mannin, ið skeyt eftir politinum í Miðvági í desember 2019, sjey ára fongsulsrevsing.
Maðurin varð dømdur fyri drápsroynd og fyri at hava vápn og lóður ólógliga.
Hann kærdi alt fyri eitt dómin til Landsrættin, tí hann heldur, at sjey ár eru ov nógv.
Ákærin krevur harðari revsing
Nú Eystari landsrættur er í Føroyum, skal hann millum annað viðgera málið um skottilburðin í Miðvági í desember í 2019.
Viðgerðin byrjar fríggjadagin í næstu viku og heldur fram í viku 45.
Ákæruvaldið fer at krevja harðari revsing, var kunngjørt tá í mai.
Teir tríggir landsrættardómararnir, og seks nýggir nevningar fara at viðgera málið.
Nýggjastu sendingar í ÚV
Nýggjastu sendingar í SV