Leiðslan í Kringvarpinum

Sum einasti almenni miðlastovnur í landinum verða serlig krøv sett til Kringvarpið. Millum annað skulu vit framleiða og miðla hóskandi og álítandi tilfar til allar samfelagsbólkar á ymiskum miðlapallum, og vit skulu varpa ljós á og elva til kjak um viðkomandi samfelagsviðurskifti. 
Tað hevur týdning, at leiðslan í Kringvarpinum á professionellan hátt gongur á odda í tráanini eftir at liva upp til hesi krøv og vísir ábyrgd og trúfesti í framleiðslu stovnsins, so kringvarpsbrúkarar kunnu hava álit á Kringvarpinum. Samstundis hevur tað týdning, at leiðslan við virðiligari atferð torir at elva starvsfólkum til at vera slóðbrótandi, bjóða av og ganga á odda í føroyska miðlaheiminum.

Ivan Hentze Niclasen, stjóri

Ivan Hentze Niclasen tók við sum stjóri í Kringvarpi Føroya í 2018. Hann hevur áður starvast sum m.a. tíðindaleiðari, programmleiðari og mentanarstjóri í Sjónvarpi Føroya. Eisini hevur hann verið programmleiðari í Kringvarpinum.
Útbúgving: Cand.mag. í søgu; M.A. in Globalization and Integration.

Jákupa Mikkelsen, fyrisitingarleiðari

Jákupa Mikkelsen tók við sum fyrisitingarleiðari í Kringvarpinum tann 1. apríl 2013. Frammanundan hevur hon starvast sum skattagrannskoðari í Keypmannhavnar kommunu, grannskoðari hjá Spekt og fíggjarfulltrúi á Føroya Studentaskúla og HF-skeiði.
Útbúgving: Cand.merc.aud.

Georg L. Petersen, tíðindaleiðari 

Georg L. Petersen byrjaði sum deildarleiðari á Aktuelt í mai mánaði 2019. Áðrenn tað hevur hann verið ábyrgdarblaðstjóri, tíðindaleiðari og journalistur á Dimmalætting. Hevur eisini áður starvast sum journalistur og virkandi tíðindaleiðari í Kringvarpinum. 
Útbúgving: Journalistur á Danmarks Journalisthøjskole 1995 og Cand.public við Aarhus Universitet í 2015. 

Barbara Samuelsen, mentanarleiðari

Barbara Samuelsen hevur verið leiðari fyri mentanardeildina síðan 2013. Hon hevur áður starvast sum blaðstjóri á Kvinnu, sum leiðari fyri dokumentardeildina í Kringvarpinum og sum stjóri á Visit Tórshavn. 
Útbúgving: BA í Communication Studies and Sociology frá Goldsmiths College, University of London. Cand. Comm. frá RUC.

Kári Poulsen, tøknileiðari

Kári Poulsen tók við sum deildarleiðari á Teknisku Deild í 2020. Hann hevur áðrenn hetta starvast sum KT-leiðari í Kringvarpinum, og áðrenn tað á Føroya Tele og Formula.
Útbúgving: MSC SE, University of Liverpool.