Sjúkrahúsverkið vaksið við 102 fólkum seinastu tíggju árini

Tað krevur alsamt fleiri fólk at reka sjúkrahúsverkið í Føroyum. 

Seinastu tíggju árini er talið av starvsfólkum vaksið við 102. 

Í 2020 vóru 1.087 ársverk í sjúkrahúsverkinum, 102 fleiri enn í 2010.

Ársverkini hjá læknum vóru 32 fleiri, vøksturin er 37 prosent. 

Ársverkini hjá sjúkrarøktarfrøðingum vóru 59 fleiri, har er vøksturin 17 prosent, skrivar Hagstovan.

Størst vøkstur á LS

Nógv tey flestu ársverkinum, 77,3 prosent, eru í Landssjúkrahúsinum.

12,1 prosent eru í Klaksvík og 10,6 prosent á Tvøroyri.

Flestu ársverkini, næstan 400, eru hjá sjúkrarøktarfrøðingum.