Framvegis eingin semja um nýggja stjórn í Svøríki

22.11.2021 - 14:59
AktueltÚtheimurin
Framvegis eingin semja um nýggja stjórn í Svøríki
Meiriluti er ikki fyri Magdalenu Andersson sum nýggjum forætisráðharra, men atkvøtt verður í málinum í ríkisdegnum mikudagin
Tað gongur striltið hjá Magdalenu Andersson, nýggju forkvinnuni í svenska Javnaðarflokkinum, at skipa stjórn. Í dag høvu hon og formaðurin í ríkisdegnum, Andreas Norlén, tíðindafund um støðuna.
Mynd: RitzauScanpix  
 

Eingin semja er um at skipa stjórn í Svøríki. 

Tað hevur Magdalena Andersson, forkvinna í svenska Javnaðarflokkinum, boðað formanninum í ríkisdegnum frá, tí semja fekst ikki við Vinstraflokkin.

Orsøkin er kravið frá Vinstraflokkinum um, at pensjónin skal hækka, skrivar tíðindastovan TT, sum endurgevur ónevndar keldur.

Centerflokkurin atkvøður fyri

Sosialdemokratarnir sita í dag í stjórn saman við Umhvørvisflokkinum, og teir hava fingið Centerflokkin við, afturfyri at atkvøða fyri Magdalenu Andersson sum forsætisráðharra.

Men hóast svenski Javnaðarflokkurin og Vinstriflokkurin ikki kunnu semjast um at stuðla Magdalenu Andersson sum forsætisráðharra, kemur málið fyri ríkisdagin.

Tað váttar formaðurin í ríkisdegnum, Andreas Norlén, á tíðindafundi í dag.

Tí skal atkvøðast um Andersson í ríkisdegnum, og tað verður gjørt mikumorgunin.

Men í løtuni er ikki meiriluti fyri henni í ríkisdegnum.

Í Svøríki skal ríkisdagurin geva heimild til at skipa stjórn.

Má fáa stuðul frá fleiri flokkum

Skal Magdalena Andersson veljast, skal hon, um framt stuðul frá sínum egna flokki, eisini fáa stuðul frá umhvørvisflokkinum Teimum Grønu, Centerflokkinum og Vinstraflokkinum.

Expressen skrivar, at afturfyri at atkvøða fyri Magdelenu Andersson, krevur Vinstriflokkinum at fáa stuðul frá stjórnini til trý ítøkilig mál: at hækka pensjónina, betri sjúkratrygd og eina avtalu um, at flokkurin fær ávirkan í framtíðini.

Er kopiera
Nýggjastu sendingar í ÚV
Týsdag 7. desember
2SOME: Nýggj duo og nýtt staklag
132431
Týsdag 7. desember
NiviNaja 6. partur
33819
Týsdag 7. desember
Óhoyrt: Jamaika, Cholo Goth og ísur
132422
Týsdag 7. desember
Tempo 07 des 2021
132420
Týsdag 7. desember
Góðan morgun Føroyar 07. desember 2021
132397
Nýggjastu sendingar í SV
Mánadag 6. desember
3-2
132386
Sunnudag 5. desember
Andaktin
132331
Sunnudag 5. desember
Hvør veit?
132362
Sunnudag 5. desember
Guðstænasta úr Viðareiðis kirkju
132320