Amerikanski verjumálaráðharrin fingið koronu

Amerikanski verjumálaráðharrin, Lloyd Austin, boðar frá, at hann hevur fingið koronu, og at hann tí verður við hús í einar fimm dagar eftir boðum frá læknanaum.

Tað boðar verjumálaráðharrin sjálvur frá á heimasíðuni hjá verjumálaráðnum.

Verjumálaráðharrin sigur seg ikki vera serliga sjúkan, men velur at vera heima eftir boðum frá læknanum.

Lloyd Austin hitti amerikanska forsetan, Joe Biden, 21. desember, og tað var væl, áðrenn hann merkti til sjúkuna.

Austin sigur seg vera so mikið væl fyri, at einki forðar sær í at hava fund á telduni við onnur, stendur í boðunum.