21 vilja vera havnarmeistari í Havn

21 umsóknir eru til starvið sum havnarmeistari hjá Tórshavnar havn.

Allir umsøkjararnir eru menn. Starvið skal setast 1.mars. 

Í starvslýsingini stóð, at havnarmeistarin má hava góða handilsfatan, góð samráðingarevni og eina holla fatan av at virka í politiskum samanhangum. 

Tórshavnar havn umsitur havnarløgini í Tórshavnar kommunu. 

Havnarløgini fevna um alt frá farmahavnini í Tórshavn til bátaplássini í bygdunum í Tórshavnar kommunu. 

2.300 skip um árið

Árliga koma og fara 2.300 skip um Tórshavnar havn, og 890.000 tons fara um bryggjukantin.

Í Tórshavnar havn eru 15 ársverk.

Jónsvein Lamhauge, sum er havnarmeistari, hevur verið havnarmeistari síðani 1993, og hevur nú sagt upp. Hann er 65 ár, og verður í starvinum til 1.apríl.

Jónsvein Lamhauge hevur arbeitt hjá Tórshavnar havn síðani 1985.

Jónsvein Lamhauge