Fyrsti tingfundurin í ár verður 25. januar

Fyrsti løgtingsfundurin í hesum árinum verður týsdagin 25. januar klokkan 13.

Tvey mál eru á skránni.

Tingið fer at hava aðru viðgerð av uppskotinum hjá Tjóðveldi til samtyktar um at tryggja nøktandi vælferðartænastur í framtíðini. 

Málið hevur verið til viðgerðar í Trivnaðarnevndini, sum legði fram álit fyri jól.

Samgonguflokkarnir í nevndini taka ikki undir við uppskotinum og mæla tinginum frá at samtykkja tað. Minnilutin, Tjóðveldi og Javnaðarflokkurin, tekur undir við uppskotium.

Lækka aldursmarkið

Á fyrsta fundinum í ár fer løgtingið eisini at hava fyrstu viðgerð av uppskotinum hjá Jørgeni Niclasen, landsstýrismanni, um at lækka aldursmarkið fyri at fáa talgildan samleika niður í 13 ár. Í uppskotinum verður gjaldið fyri geyma eisini nágreinað.

Hetta uppskotið fer eftir fyrstu viðgerð í fíggjarnevndina.