Løgmaður harmast um kynsbýtið í landsstýrinum

15.01.2022 - 11:08
Aktuelt
Løgmaður harmast um kynsbýtið í landsstýrinum
- Ynskiligt hevði verið um allir flokkar framyvir í størri mun hugsaðu um javnstøðu, tá teir skjóta upp landsstýrisfólk, sigur løgmaður
Bárður á Steig Nielsen, løgmaður.
Mynd: Bjarni Árting Rubeksen.  
 

- Ynskiligt hevði verið um allir flokkar framyvir í størri mun hugsaðu um javnstøðu, tá teir skjóta upp landsstýrisfólk.

Tað sigur Bárður á Steig Nielsen, løgmaður, í svari til skrivligan fyrispurning frá Ingilín Didriksen Strøm, løgtingskvinnu fyri Javnaðarflokkin. Fyrispurningurin var um javnstøðu í landsstýrinum.

Síðani aldarskiftið hava tað, við núverandi landsstýrið, verið sjey ymisk landsstýrið í Føroyum. Hesi hava havt skiftandi kvinnuliga umboðan. 

Seinasta tíðarskeið, har eingin kvinna var í landsstýrinum, var frá 2004 til 2008, tá Javnaðarflokkurin, Sambandsflokkurin og Fólkaflokkurin vóru í samgongu.

Í Landsstýrinum millum Sambandsflokkin, Fólkaflokkin og Miðflokkin, sum situr nú, var tað í tíðarskeiðinum september 2019 til desember 2021 ein kvinna í landsstýrinum. Tó er eingin kvinna í landsstýrinum í løtuni.

Og hetta harmast løgmaður um. 

"Sambært stýrisskipanarlógini §27 stk. 2, er tað løgmaður sum tilnevnir landsstýrismenn. Siðvenja hevur
verið, at henda tilnevning verður gjørd eftir uppskotið frá tí einstaka flokkinum, og um tey verða funnin
fullgóð verða tey tilnevnd av løgmanni. Tað er mær kunnugt ikki komi fyri, at løgmaður hevur valt ein
leist, har hann tilnevnir onnur landsstýrisfólk enn tey ein flokkur skjýtur upp. Ynskiligt hevði verið um
allir flokkar framyvir í størri mun hugsaðu um javnstøðu, tá teir skjóta upp landsstýrisfólk", sigur Bárður á Steig Nielsen í svari til skrivliga fyrispurningin

Er kopiera
Nýggjastu sendingar í ÚV
Hósdag 11. august
Morgunlestur hósdagur 11. august 2022
143009
Mikudag 10. august
Morgunlestur mikudagur 10. august 2022
143008
Mikudag 10. august
LEITISSTEIN 09.08.2022 (Bjørt Lind)
143130
Týsdag 9. august
Botnstríðið harðnar
143083
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750