Mentanarvirðisløn landsins handað í SALT í kvøld

Mentanarvirðisløn landsins handað í SALT í kvøld
Í kvøld fer Jenis av Rana, landsstýrismaður í mentamálum, at handa virðislønirnar til lista- og mentafólk fyri árið 2021 í SALT á Drelnesi. Handanin verður víst í sjónvarpinum
Sigrun Gunnarsdóttir tekur ímóti Mentanarvirðisløn landsins í Løkshøll í fjør
Mynd: Bjarni Árting Rubeksen  
 
19.01.2022 - 07:00

SALT á Drelnesi í Trongsivági verður karmur um handanina av Mentanarvirðisløn landsins í ár. 

Koronastøðan ger, at tað er avmarkað, hvussu nógv fólk kunnu savnast, og tí er tiltakið í ár fyri innboðin.

Almenningurin kann tó fylgja við í sjónvarpinum hjá Kringvarpinum, sum sendir beinleiðis frá handanini klokkan 19.

 

Tríggjar virðislønir

Tríggjar virðislønir verða handaðar, og tær eru:

Mentanarvirðisløn landsins, sum er 150.000 krónur,  verður latin fyri at heiðra føroyskt mentafólk sum tøkk fyri útint listarligt avrik.

Heiðursgáva landsins, sum er 75.000 krónur, verður latin fyri at hava virkað til frama fyri mentanarlig virði, sum hava týdning fyri føroyska mentan, list og mentanararv.

Serstaka virðisløn landsins, sum er 50.000 krónur, verður latin lista- ella mentafólki, ið hevur víst serliga góð evni og/ella hevur gjørt vart við seg á sínum øki.

Í fjør fekk Sigrun Gunnarsdóttir, listakvinna, Mentanarvirðisløn landsins.

Heiðursgávu landsins fekk arkitekturin Ósbjørn Jacobsen, hvørs arbeiði hevur vakt ans bæði her heima og uttanlands.

Og Serstøku virðislønin var latin operasangaranum, Biritu Poulsen. 

 

Nevnd innstillar

Ein nevnd, sett av landsstýrismanninum í mentamálum, ger tilmæli um virðislønirnar.

LISA ger tilmæli um tríggjar limir í nevndina, og landsstýrismaðurin í mentamálum velur tveir limir, har annar er formaður, og hin er næstformaður.

Nevndarlimirnir verða valdir fyri 3 ár í senn og kunnu bert sita tvey skeið á rað.

Í nevndini fyri tíðarskeiðið 2020-2022 sita Alda Joensen, sum er forkvinna, Poul Geert Hansen, sum er næstformaður, Katrina í Geil, Kim Simonsen og Robert Thomassen.

 

Fyrstu ferð handað í 1998

Mentanarvirðisløn landsins varð fyrstu ferð latin Regini Dahl í 1998, og samanlagt hava 21 listafólk fingið handað Mentanarvirðisløn landsins.

Ár  Mentanarvirðisløn landsins  Heiðursgáva landsins  Serstaka heiðursløn landsins
 1998   Regin Dahl    
 1999   Jens Pauli Heinesen    
 2000   Ingálvur av Reyni    
 2001  Eyðun Johannessen  Fuglafjarðar Sjónleikarafelag  Ebba Hentze
 2002   Gunnar Hoydal  Axel Torgarð  
 2003   Hanus Kamban  Ólavur Hátún  
 2004 - eingin virðisløn latin - eingin virðisløn latin  
 2005   Tita Vinther  Emil Juul Thomsen  
 2006   Zacharias Heinesen  Jógvan Isaksen  Jón Hilmar Magnússon
 2007  - eingin virðisløn latin - eingin virðisløn latin  
 2008   Ebba Hentze  Martin Tórgarð  
 2009   Kári P.  Laura Joensen  
 2010  Sunleif Rasmussen  Jonhard Mikkelsen  
 2011   Jóanes Nielsen  Kristian Blak  
 2012   Tóroddur Poulsen  Marianne Clausen  
 2013  Tróndur Patursson  Árni Dahl  
 2014   Torbjørn Olsen  Tey av Kamarinum  
 2015  Annika Hoydal  J. P. Gregoriussen  
 2016  Rúni Brattaberg  Steinprent  
 2017  Barbara í Gongini  Frits Johannesen  
 2018  Bárður Jákupsson  Astrid Andreasen  
 2019  Hanus G. Johansen  Simme Arge Jacobsen  Forlagið Leirkerið
 2020  Sigrun Gunnarsdóttir  Ósbjørn Jacobsen  Birita Poulsen

 

Aðrar virðislønir


Virðisløn til ungt listarfólk varð latin frá 2011 til 2018:

2011: Sakaris Stórá, filmslistamaður
2012: Silja Strøm, myndlistakvinna
2013: Trúgvi Danielsen, yrkjari
2014: Mattias Kapnas, tónleikari
2015: Andrias Høgenni, filmslistamaður
2016: Anna Malan Jógvansdóttir, yrkjari
2017: Konni Kass, tónleikari
2018: Búi Rouch, dansari og koreografur

 

Móðurmálsvirðisløn Landsins:

2010: Jóhan Hendrik Winther Poulsen
2012: Høgni Djurhuus
2015: Hans Mortensen
2017: Suni Merkistein

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858