Hált í høvuðsstaðnum

Sera hált er á vegunum í høvuðsstaðnum beint nú.

Sambært vakthavandi á politistøðini í Havn hava fleiri fólk ringt inn og boðað frá, at bilar glíða í hálkuni.

Fólk frá Tórshavnar kommunu eru farin at salta vegirnar.

Sambært vakthavandi hevur politiið ikki fingið fráboðanir um ferðsluóhapp.

Men heitt verður á fólk, sum eru á veg til hús, ella skulu til hús, um at koyra varliga. Tí sera hált er sum nevnt í høvuðsstaðnum.