Mærsk 117 mia. kr. í avlopi eftir skatt

A.P. Møller Mærsk-samtakið hevði 117 milliardir krónur í avlopi í fjør eftir skatt, vísir roknskapurin, sum var kunngjørdur fyrrapartin.

Vøksturin er ikki minni enn 500 prosent samanborið við úrslitið í 2020.

Mikkel Emil Jensen, greinari hjá Sydbank, sigur við Finans, at hetta er ikki bara besta úrslitið hjá Mærsk higartil, men í donskum vinnulívi yvirhøvur.

Umsetningurin hjá Mærsk í fjør var 400 milliardir kr.

Korona hevði við sær, at farmagjøldini hækkaðu nógv í farna ári, og tað er høvuðsorsøkin til sera góða úrslitið hjá Mærsk-samtakinum í 2021.