Endurskoða lógina um endurvenjing

Lógin frá 2015 um endurvenjing skal endurskoðast fyri at vita, um hon kann gerast betri.

Tað sigur Kaj Leo Holm Johannesen, landsstýrismaður, í svari til Edvu Jacobsen, løgtingskvinnu, sum spurdi um yvirskipaða endurvenjingarlóg, sum skal tryggja, at ein endurvenjingarætlan verður gjørd fyri hvønn einstakan, bæði viðvíkjandi likamligum, sálarligum og sosialum tørvi.  

Í 2015 kom broyting í sjúkrahúslógini, sum ásetti, at Sjúkrahúsverkið veitir ókeypis endurvenjing til sjúklingar, sum hava ein læknafakliga grundaðan tørv á endurvenjing. 

Kunngerðin um endurvenjing kom í 2017.

Kannað verður nú, hvat slag av lóggávu er tað rætta fyri at veita viðgerðartrygd millum geirar í sambandi við endurvenjing, sigur Kaj Leo Holm Johannesen, landsstýrismaður.