Takplátur rivu í nógva vindinum

Tað hevði við sær, at nakrar takplátur rivu av í bæði Leirvík og Svínoy.

Og á Hamrinum á Argjum fór eisini ymiskt byggitilfar, sum ikki var nóg væl tryggjað.

Bussar steðgaðu

Á Hvalvíksoyruni var ein bussur hjá Bygdaleiðum tikin av vindi seinnapartin í gjár og fór út av.

Einki fólk var í bussinum, og bussførarin fekk heldur ongan skaða.

Tað gekk væl at fáa bussin upp aftur á vegin.

Í Vágatunlinum steðgaði ein annar bussur hjá bygdaleiðum í tunlinum.

Ferðafólk vildu ikki koyra víðari í bussinum í nógva vindinum, og tey fóru víðari í smærri akførum.

Politiið tók bilførara

Politiið tók eisini ein bilførara í nátt fyri at koyra við kenning.

Hann hevði heldur ikki koyrikort, so tað verður hann skuldsettur fyri.