Maður handtikin fyri dráp í Malmø

Í Malmø er ein 18 ára gamal maður handtikin, undir illgruna fyri at hava dripið tvær kvinnur á einum skúla í býnum.

Hetta hendi seint seinnapartin í gjár.

18 ára gamli maðurin ringdi sjálvur til alarmsentralin og boðaði frá, at hann var í skúlanum og hevði dripið tvey fólk.

Við knívi og øks drap ungi maðurin tvær kvinnur í 50'unum, skrivar Aftonbladet.

1.100 næmingar ganga í skúlan, men umleið 50 fólk vóru í skúlanum, tá álopið varð framt.