- Tíðindi, mentan og ítróttur
RSP og SWAY í Sement finaluna
RSP og SWAY í Sement finaluna
Fyrsta umfar í Sement endaði við, at sangbólkurin SWAY og hipp hoppararnir úr RSP komu víðari í finaluna
Oddamaðurin í RSP, Heini Ronnason. RSP kom í kvøld í Sement-finaluna
10.04.2022 - 00:02
Sement tónleikakappingin byrjaði við einum sera sterkum umfari, sum endaði við, at bólkarnir SWAY og RSP komu víðari.
Talan var um teir báðar bólkarnar, sum lógu longst frá hvørjum øðrum tónlistarliga. SWAY, ið framførir siðbundnan barbershop-tónleik uttan ljóðføri, og so undirgrunds hiphop/rappararnir úr RSP.
Kvøldið borðreiddi eisini við sannførandi framførslum frá Piparstertum, TeleMama og Eimyrja.
BIIT stroymdi beinleiðis á kvf.fo
Ungdómspallurin hjá Kringvarpinum, BIIT, stroymdi beinleiðis frá fyrsta Sement-umfarinum her á kvf.fo, og tað er ætlanin at gera alla kappingina.
Og vert er at fylgja við, tí støðið á Sement tykist sera høgt í ár, og tí verður hørð kapping um tey fimm finaluplássini, ið eru eftir at kappast um.
Tveir bólkar koma víðari frá hvørjum av teimum trimum umførunum, men so hava dómararnir eisini eitt wild card at geva til ein bólk ella einstakling.
>>SÍ LUTTAKARARNIR TIL 2. UMFAR
>>SÍ LUTTAKARARNIR TIL 3. UMFAR
Er kopiera
Nýggjastu sendingar í ÚV
Nýggjastu sendingar í SV
