Nógv til av smáum svartkjafti

Ekkókanningar av svartkjafti sunnan fyri Føroyar suður í bretskan og írskan sjógv vóru gjørdar undan páskum.

Fyribilsúrslitini vísa, at nógv er til av smáum svartkjafti í føroyskum øki í ár.

Talan er serliga um 2020-árgangin, men eisini 2021 árgangin. Talan er fyri tað mesta um óbúnan fisk, sum stendur víða um í sunnara parti av føroyskum øki og nakað suður um markið. 

Miðallongdin var einans 23 cm og miðalvektin 80 gram í kannaða økinum, skrivar Havstovan.