Ongan blokk, yvirtøkur, loysing og grundlóg

Tjóðveldi fer ikki í samgongusamstarv við flokkar, sum ikki vilja skerja ríkisveitingina úr Danmark.

Hetta endurtók Høgni Hoydal á flokstinginum, sum er í Fuglafirði.

Hann segði, at Tjóðveldi ætlar at fáa framda ta skipaðu loysingina, sum ger Føroyar leysar av blokkinum.

Flokkurin vil taka tey seinastu málini á føroyskar hendur og samtykkja føroyska grundlóg. 

Og Høgni Hoydal segði, at Tjóðveldi fer ikki í landsstýrið, um flokkurin ikki fær semju um verulig stig til at gera okkum leys av blokkinum og fáa týðandi mál á føroyskar hendur.