Nancy Pelosi í Kyiv

Nancy Pelosi, forkvinna í amerikanska Umboðsmannatinginum, hitti um vikuskiftið ukrainska forsetan, Volodymyr Zelenskyj í ukrainska høvuðsstaðnum Kyiv.

Hósdagin kom amerikanski forsetin, Joe Biden, við uppskoti um at lata Ukraina meira stuðul, og arbeitt verður við tí, váttaði Nancy Pelosi fyri Zelenskyj.

Volodymyr Zelenskyj hevur eisini váttað vitjanina á Twitter. Har hevur hann millum annað lagt eitt videobrot út, við upptøkum av honum og Nancy Pelosi, sum taka í hondina á hvørjum øðrum.

Nancy Pelosi er ikki fyrsti toppolitikarin ið vitjar Kyiv, síðan kríggið í Ukraina byrjaði.

Í farnu viku vóru Antony Blinken og Lloyd Austin, amerikanskir ráðharrar í ávikavíst uttanríkismálum og verjumálum, eisini á vitjan i Kyiv.