Laksaprísirnir seta met hvørja viku

Laksaprísirnir halda á at hækka og seta nýtt met hvørja viku.

Í síðstu viku kostaði eitt kilo av laksi í miðal 125 norskar krónur. Tað svarar til 94 krónur í okkara peningi.

Hetta er meira enn ein tvífalding av miðalprísinum fyri alt fjør, tá ið miðalprísurin var 58 norskar krónur. Tað svarar til 44 føroyskar krónur fyri hvørt kilo.

Hetta sæst í yvirliti á heimasíðuni Fish Pool, sum hevur savnað laksaprísirnar.

Prísirnir eru hækkaðir sera nógv alt hetta árið.

Føroysku laksaframleiðararnir fáa vanliga meira fyri laksin, enn onnur fáa.