Hava nú formliga biðið um limaskap

Svøríki og Finnland hava nú formliga biðið um limaskap í verjusamgonguni Nato.

Skipað var fyri hátíðarhaldi á Nato-høvuðsborgini í Brússel í morgun, tá svenski og finski Nato-sendiharrin lótu Jens Stoltenberg, Nato-aðalskrivara, umsóknina.

- Eg bjóði Svøríki og Finnlandi vælkomnum at gerast partur av Nato. Hetta er eitt søguligt stig, segði Jens Stoltenberg.

Hann takkaði fyri umsóknirnar og segði, at Finnland og Svøríki eru longu sameind hjá Nato og gera sítt til at økja trygdina í felagsskapinum.

Síðani Nato var stovnað í 1949, hava bæði Finnland og Svøríki verið uttanveltað og ikki verið partur av norðuratlantisku verjusamgonguni.

Men eftir russisku innrásina í Ukraina í februar, hevur Nato-limaskapur staðið ovast á breddanum í báðum londum, og nú hava Finnland og Svøríki biðið um limaskap.