Nýggjur stjóri á Akstovuni

Andras Marr Poulsen er settur sum nýggjur stjóri á Akstovuni, upplýsir Fíggjarmálaráðið.

Andras Marr Poulsen hevur drúgvar leiðsluroyndir frá politinum, bæði sum vaktleiðari og linjusjefur.  Hann hevur eisini verið sýslumaður.  Seinastu árini hevur hann verið tilbúgvingarsamskipari í Fiskimálaráðnum.

Andras Marr Poulsen er 51 ára gamal og úr Hoyvík. Hann er útbúgvin politistur og hevur BA í løgfrøði. Harumframt hevur hann tikið leiðsluútbúgving.

Andras Marr Poulsen byrjar væntandi í starvinum eftir summarfrítíðina.