Støkk gott úrslit í Finnlandi

Rósan, sum er kvinnuunglingaliðið hjá Støkk, fekk eitt sætta pláss í World Challenge Cup í Tampere í Finnlandi.

14 sterk lið úr øllum heiminum kappðust í finska býnum.

Í innleiðandi kappingini fekk Rósan 15,15 stig, sum gav atgongd til finaluna. 

Í finaluni dagin eftir gekst enn betur. Tá fekk liðið úr Støkk 15,65 stig, og tey 30,80 stigini tilsamans góvu Rósuni eitt 6. pláss.

Vinnarin var finska liðið, Minetit.