Friðarligt kring landið

Tað var friðarligt hjá løgregluni í gjárkvøldið og í nátt. Einastu uppgávurnar av týdningi vóru at taka ein leysan hund, og at fáa sjúkrabil eftir einum manni, sum hevði sligið seg í. Ferðslupolitiið koyrdi í Streymoynni, Vágum og í Eysturoynni, men har vóru fáir bilar at síggja, og alt var sum vanligt. Í dag væntar politiið, at meira verður at gera, tí Jóansøka er í Vági og tónleikafestivalurin, Voxbotn, í Havn. Fyrireikingarnar eru í hæddini, og sum líður á fyrrapartin verða vegir stongdir í Havn, og á middegi skal politiið í Vágsbotn at góðkenna tað seinasta, áðrenn festivalurin byrjar, verður upplýst av politistøðini í Havn.