Nýggja neyðtøkulóggávan elvt til fleiri fráboðanir í Danmark

Síðani revsilógin kravdi, at kynsligt samband krevur samtykki - tann sonevnda samtykkisgrundaða neyðtøkulóggávan, eru fleiri fráboðanir og skuldsetingar um neyðtøku komnar í Danmark.

Tað sigur Mattias Tesfaye, løgmálaráðharri, í svari til Edmund Joensen, fólkatingsmann. Og hann sigur, at tað sama kann hugsast at henda í Føroyum, nú lógarbroytingin eisini er komin í Føroyum.

Tann 1. januar 2021 fekk samtykkigrundaða neyðtøkulógin gildi í Danmark. Og talið av fráboðanum nærum tvífaldað úr umleið 1400 í 2020 til umleið 2100 í 2021. Talið av skuldsetingum er eisini hækkað munandi, úr umleið 1100 í 2020 til umleið 1700 í 2021. 

Í Danmark fær politiið fleiri pengar til at hjálpa teimum, sum eru neyðtikin. Politiið í Føroyum fær ikki lut í hesum pengum, sigur løgmálaráðharrin. 

Taaln er tó ikki um pengar beinleiðis í sambandi við samtykkisgrundaðu neyðtøkulóggávana, men um eina tríára ætlan um at hjálpa neyðtiknum fólkum.