Sea Shepherd meldað føroyskar bátaeigarar

29.06.2022 - 08:49
Aktuelt
Sea Shepherd meldað føroyskar bátaeigarar
Sea Shepherd hevur meldað fleiri bátaeigarar í sambandi við miseydnaða grindadrápið í Leynum fyri góðari viku síðani.
 

Fyri góðari viku síðani vóru grindaboð. Talan var um eina lítla grind, og roynt var at halda hana til á Leynasandi. Hetta eydnaðist ikki, og tí varð avgjørt at lata grindina sleppa. 

Nú hevur Sea Shepherd meldað fleiri bátaeigarar í sambandi við miseydnaða grindadrápið.

Felagsskapurin hevur upptøkur, sum vísa, at bátaeigarar sigla tvørtur ígjøgnum grindina fleiri ferðir. 

Tað ber ikki til at siga frá myndunum, um bátarnir raka hvalirnar, men tað er ikki óvanligt, at grindahvalir hava arr eftir skrúvu frá báti.

Michael Boolsen, fúti, váttar, at fleiri bátar eru meldaðir, og at løgreglan nú fer undir vanligu mannagongdina at kanna uppáhaldið.

Michael Boolsen vil ikki siga, hvat bátarnir eru meldaðir fyri, annað enn fyri at hava luttikið í miseydnaða drápinum. Tað tænir ongum endamáli, heldur fútin, fyrr enn staðfest er, um ákæra verður reist.  

Boðini koma frá Sea Shepherd Faroe Islands Campaign-vanganum á Facebook.

Sambært Sea Shepherd hevur umhvørvisverndarfelagsskapurin eyðmerkt bátarnar, sum luttóku í grindini, og sum sigldu ígjøgnum grindina.

Sambært Michael Boolsen, fúta, hevur umhvørvisverndarfelagsskapurin bara sent teimum myndir av bátunum.
 

Er kopiera
Nýggjastu sendingar í ÚV
Leygardag 3. desember
TEMAPLÁTAN 25: 'Aquarium', Aqua, 1997
148838
Leygardag 3. desember
Plátupanelið 003 (Politiskar plátur)
148901
Leygardag 3. desember
Jambalaja 021222
148900
Leygardag 3. desember
Brunsj við Benny Ejdesgaard
148898
Leygardag 3. desember
Upp á tá - 021222
148895
Nýggjastu sendingar í SV
Fríggjadag 2. desember
Javnaðarflokkurin í Andglettinum
148751
Fríggjadag 2. desember
Miðflokkurin í Tinginum
148852
Hósdag 1. desember
Fólkaflokkurin í Andglettinum
148527
Hósdag 1. desember
Val kring landið - Hov
148799