Tíggjunda hvør mamma fær barnsburðartunglyndi

Tíggjunda hvør kvinna, sum eigur barn, fær barnsburðartunglyndi. 

Heilsufrøðingarnir hava kannað nýklaktar mammur síðani 2012. 

Sambært Gigni vísa hesar kanningar, at 10 til 12 prosent hava tekin um barnsburðartunglyndi.

Kvinnurnar, sum hava barnsburðartunglyndi, verða ávístar til kommunulækna, sum vísa víðari til sálarfrøðing ella til Psykiatriska depilin. 

Í løtuni kann vera trupult at sleppa til sálarfrøðing.  

Sambært Heilsutrygd er bíðitíðin frá einum mánað upp í seks mánaðir.

Tað sigur Kaj Leo Holm Johannesen,landsstýrismaður, sum hevur svarað spurningnum um barnsburðartunglyndi frá Sirið Stenberg, løgtingskvinnu.

Psykiatriski depilin á Landssjúkrahúsinum er við í einari verkætlan um barnsburðartunglyndi.

Við eru eisini Gigni, ljósmøðurnar og kommunulæknaskipanin. 

Verkætlanin er ikki liðug enn.