Ferðin á bilasøluni minkað

Færri nýggir bilar verða nú seldir í Føroyum. Fyrra hálvár í ár skrásetti Akstovan 137 færri nýggjar bilar samanborið við sama tíðarskeið í fjør.

Í fjør skrásetti Akstovan 1.143 nýggjar persónbilar fyrstu seks mánaðirnar. Fyrra hálvár í ár var hetta talið 1.006, 137 færri akfør.

Í prosentum svarar hetta til, at 12 prosent færri nýggir bilar vórðu skrásettir í ár enn í fjør, vísa tølini fyri tíðarskeiðið 1. januar 2022 - 30. juni 2022.