Grønland vil flyta klokkuna ein tíma aftur

05.07.2022 - 17:58
Aktuelt
Grønland vil flyta klokkuna ein tíma aftur
Grønlendska landsstýrið hevur lagt eitt uppskot fyri tingið, um at flyta klokkuna ein tíma aftur. Verður tað samtykt, vera bara tveir tímar á muni millum Grønland og Føroyar.
 

Grønlendska landsstýrið hevur lagt eitt uppskot fyri tingið, um at flyta klokkuna ein tíma aftur. Tað gera tey fyri at nærkast Føroyum, Danmark, Stórabretlandi og restina av Europa. Tað skrivar Sermitsiag.

Verður tað samtykt, so verður klokkan flutt aftur, so tað bara eru tveir tímar millum Grønland og Føroyar, tveir tímar millum Grønland og Stórabretland og tríggir tímar millum Danmark og meginpartin av Evropa. 

Uppskotið kemur í kjalarvørrinum á, at landsstýrið hevur yvirtikið "Tidens bestemmelse" og sostatt sjálvt kann áseta tíðarsonur. 

Grønlendska arbeiðsgevarafelagið hevur leingi havt eitt ynski um at flyta tíðarsonu, so Grønland kemur tættari at upplatingartíðum í Danmark og Evropa. 

Grønlenska tingið samtykti fyri kortum at avtaka summartíð, eins og kjak hevur tikið seg upp um í Føroyum, men hendan lógin er ikki sett í verk enn, tí grønlendingar bíða eftir ES at seta lógina í gildi, sum strikar summartíð. 

Er kopiera
Nýggjastu sendingar í SV
Mikudag 10. august
Úr savninum: Urtagarðurin 6:8
143136
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769