Fýra bjóða seg fram

Fýra konservativir politikarar í Bretlandi bjóða seg fram sum avloysarar fyri Boris Johnson, ið leggur frá sær sum bæði floksformaður og forsætisráðharri.

Fyrrverandi fíggjarmálaráðharrin, Rishi Sunak, verður mettur at vera tann av teimum fýra, ið hevur bestu møguleikarnar.

Hann er fyrsti bretski ráðharrin, sum er av indiskum uppuna, tí foreldur hansara komu úr India til Bretlands.

Rishi Sunka var millum fyrstu ráðharrarnar, ið týsdagin løgdu frá sær fyri at mótmæla Boris Johnson.

Hinir eru undirhústingmaðurin, Tom Tugendhat, yvirákærin fyri Ongland og Wales, Suella Braverman, og fyrrverandi ráðharrin fyri javnstøðu og integratión, Kemi Badenoch.