Færri søkja um lestrarpláss

Aftur í ár hava færri føroyingar søkt um at sleppa í lærdar háskúlar í Danmark enn tey, sum hava søkt um at sleppa í Fróðskaparsetrið.

Fróðskaparsetrið fekk 392 umsóknir í ár.

Lærdir háskúlar í Danmark fingu 302 umsóknir úr Føroyum.

Hægri nám á Glasi fekk okkurt um 100 umsóknir.

Men samanumtikið søkja færri um at sleppa í lærdar háskúlar nú, bæði í Føroyum og í Danmark.

Sambært Studna fingu 838 fólk, sum lósu í Føroyum, stuðul í skúlaárinum 2013/14. Tá lósu 1.423 í Danmark og 258 í øðrum londum.

Í árinum 2020/21 vóru 1.018 í Føroyum, 630 í Danmark og 137 í øðrum londum.