Korn úr Ukraina sleppur aftur út á marknaðin

Forsetin í Turkalandi, Recep Erdogan, hevur saman við Sameindum Tjóðum verið meklari millum Russland og Ukraina.

Tað upplýsti umsitingin hjá turkiska forsetanum í gjárkvøldið, skriva Ritzau og Reuters.

Avtalan hevur verið á veg í tveir mánaðir, og í seinastu viku vóru samráðingar í Turkalandi.

Sameindu Tjóðir hava gjørt avtaluna, ið verður undirskrivað klokkan 14:30 seinnapartin. Enn er ógreitt, hvat heilt neyvt stendur í avtaluni.

Korn, Ukraina

Bæði Russland og Ukraina eru týdningarmiklir útflytarar av korni, og prísurin á matvørum er nógv hækkaður síðani russisku innrásina í grannalandinum.

Tað er bráðneyðugt hjá fleiri londum at fáa hendur á korni aftur, um hungursneyð ikki skal verða í londunum.

Korn, Ukraina

Russland hevur avbyrgt allar ukrainskar havnarbýir. Í løtuni eru umleið 25 milliónir tons á goymslu í Ukraina, klár at verða send út á heimsmarknaðin.