113 milliónir í avlopi fyrra hálvár

113 milliónir í avlopi fyrra hálvár
BankNordik sigur, at nógv bendir á, at rentan fer at hækka meira í heyst
Bankin er nøgdur við úrslitið fyrra hálvár, men vaksandi inflatión og búskaparlig óvissa settu tó eisini sín dám á tíðarskeiðið.
 
04.08.2022 - 09:02

BankNordik-samtakið hevði 113 mió. kr. í avlopi fyri skatt fyrr hálvár.

Í fjør var avlopið 192 milliónir, men tá stavaðu 90 milliónir krónur frá søluni av danska virkseminum.

Leiðslan í samtakinum sigur, at fyrra hálvárið royndist væl.

Vaksandi inflatión og búskaparlig óvissa settu tó eisini sín dám á tíðarskeiðið.

Leiðslan hevur lagt upp fyri møguligum neiligum avleiðingum og sett pening av til møgulig fíggjarlig tap.

 

Turið F. Arge og Heini Thomsen er nýggir stjórar í BankNordik.

 

Innlán og útlán vuksu

Bæði innlán og útlán vuksu í fyrra hálvári, útlánini tó bara 100 milliónir krónur samanborin við fyrru helvtina í fjør.

Innlánini vuksu 1,2 milliardir.   

BankNordik sigur, at nógv bendir á, at miðbankin og tjóðbankin aftur fara at hækka rentuna eftir rentufundin 8.september. 

Verður henda rentuhækking veruleiki, fer BankNordik eisini at hækka rentuna.

Tað merkir, at negativa rentan væntandi verður strikað í næstum.

 

Rentuhækking 5. oktober

Bankin hevur boðað frá rentuhækking 5.september, so dýrari verður at læna pening, og minni skal gjaldast í negativari rentu av innlánum.

Leiðslan í BankNordik væntar, at nettoúrslitið í ár verður millum 160 og 190 mió. kr.

Er kopiera
Nýggjastu sendingar í ÚV
Týsdag 19. mars
Morgunlesturin týsdagur 19. mars 2024
171995
Mánadag 18. mars
Norðurljóð 18.mars 2024
172377
Mánadag 18. mars
Vreiði og vreiða
172342
Nýggjastu sendingar í SV
Sunnudag 17. mars
Andakt við Johan við Neyst
172320
Sunnudag 17. mars
Møti úr Kelduni
172321
Fríggjadag 15. mars
Veðrið
172276
Fríggjadag 15. mars
Breddin stroyming: Orðaskifti um semjuskjal
172264