- Tíðindi, mentan og ítróttur
Tekur undir við at útvega eitt skip aftrat til Suðuroyarleiðina
Tekur undir við at útvega eitt skip aftrat til Suðuroyarleiðina
Peningur skal setast av á fíggjarlógini í heyst til fyrireikingar, sigur Uni Rasmussen, landsstýrismaður
Neyðugt er við einum Smyrli aftrat til Suðuroyarleiðina, og landsstýrismaðurin í samferðslumálum er fúsur at seta pening av á fíggjarlógini, sum verður gjørd í heyst.
07.08.2022 - 18:00
Ein Smyril afturat.
Tað er tilmælið frá strandferðslustjóranum, og nú eisini lyftið frá Una Rasmussen, landsstýrismanni í fíggjar- og samferðslumálum.
Eitt skip av somu stødd sum Smyril skal finnast aftrat til Suðuroyarleiðina, og peningur skal setast av til fyrireikingarnar á fíggjarlógini, sum verður gjørd í heyst, sigur landsstýrismaðurin.
Suðuroyingar mótmæla, at Herjólfur III skal avloysa Smyril, nú hann fer í dokk í seks vikur.
Men dokkingin kann ikki útsetast, tí so missir Smyril siglingarloyvið, sigur Jóan Petur Abrahamsen, virkandi stjóri á Strandferðsluni.
Hann skilir ónøgdina hjá suðuroyingum og mælir beinleiðis til, at ein Smyril verður keyptur afturat.
Hoyr innslag í útvarpstíðindunum:
1542423
Uni Rasmussen, landsstýrismaður í fíggjar- og samferðslumálum.
Er kopiera
Nýggjastu sendingar í ÚV
Mánadag 7. september
RagnarRokk: Sonny Lombardozzi um A Bleeding Tree Hanging Self Destruction
212039
Nýggjastu sendingar í SV
