Fáa ikki undantak at landa uttanlands

Landsstýrismaðurin í fiskivinnumálum, Árni Skaale, kennir til støðuna hjá nótaskipunum, sum øll í senn rendu seg í makrel, og tí eisini øll eru komin inn at landa í senn.

Skipini kunnu bara sleppa av við makrelin til ídnað við at landa hann til Havsbrún í Fuglafirði, og eftir lógini skal bróðurparturin landast í Føroyum, og í mesta lagi 15 prosent kunnu landast uttanlands.

Landsstýrismaðurin kann við kunngerð geva undantaksloyvi frá hesi reglu, men Árni Skaale sigur seg ongar ætlanir hava um tað, sum støðan er nú:
 

Páll Klein Rasmussen, skipari á Christiani í Grótinum, er misnøgdur um støðuna, nú so nógv skip bíða eftir at sleppa framat at landa.

Hann sigur, at tað tekur hálvttriðja samdøgur at sigla á fiskileið og hálvttriðja samdøgur at sigla innaftur, og tá fer dýrabær tíð til spillis hjá nótaskipunum, sum helst vildu fiskað mest møguligt av kvotuni.

>>>SÍ MEIRA HER<<<