Simon Kvamm verður dómari í X-Factor

Simon Kvamm verður dómari í X-Factor
Tónleikarin og skemtarin, Simon Kvamm, er nýggjur dómari í danska X-Factor
"Eg kenni, at eg havi royndirnar til at geva øðrum ráð og vegleiðin, nú eg havi virkað so nógv á í tónleikavinnuni," sigur Simon Kvamm, sum er nýggjur dómari í X-Factor
Mynd: Ritzau / Scanpix  
 
10.08.2022 - 12:44

"Eg eiti Simon Kvamm, og abbi mín var gøtumaður," staðfesti Simon Kvamm, tá hann fyrstu ferð stóð á pallinum á Sandinum á G! í 2005.

Nú kann hann so siga, at: "Eg eri X-Factor-dómari."

47 ára gamli Simon Kvamm er nevniliga nýggjur dómari í X-factor-sendingini hjá TV2, og hann fer at sita við dómaraborðið saman við Thomas Blachman og Kwamie Liv. 

Simon Kvamm, sum er tónleikari og skemtari, yvirtekur sessin frá plátuvendaranum Martin Jensen, ið hevur verið dómari seinastu tvey árini.

Tað var Martin Jensen, sum var vegleiðari hjá føroyska Kára Fossdalsá, ið endaði á einum øðrum plássi í fjør. 

Royndasti dómarin er Thomas Blachman, ið eisini er vorðin ímyndin av X-Factor í Danmark, tí hann hevur verið við í 14 umførum av X-Factor. Kawamie Liv skal í holt við sítt næsta umfar sum dómari. 

X Factor, Dómarar

Frítekst tagging: 

 

Fekk sítt gjøgnumbrot í 2004

Simon Kvamm fekk sítt tónlistarliga gjøgnumbrot í 2004 við bólkinum Nephew og plátuni "USADSB". Longu árið eftir, í 2005, stóð hann so á pallinum á sandinum í Syðrugøtu og mælti tey mergjaðu orðini: "Abbi mín var gøtumaður."

2004 var eisini árið, tá Simon Kvamm eisini fekk sítt stóra gjøgnumbrot sum skemtari sum partur av skemtibólkinum "Drengene fra Angora". 

Nephew fór í upploysn í 2019 eftir átta plátuútgávur, og síðani hevur Simon Kvamm spælt við bólkinum Hugorm, sum hann stovnaði í 2017. Hugorm var eitt av høvuðsnøvnunum á ársins Voxbotn-tónleika tiltakinum í Havn. 

 

Gleðir seg

Simon Kvamm gleðir seg til at vera dómari í X-Factor. 

"Eg kenni, at eg havi royndirnar til at geva øðrum ráð og vegleiðin, nú eg havi virkað so nógv á í tónleikavinnuni," sigur hann við TV2.dk. 

Um tú vilt luttaka í X-Factor í hesum umfari, so eru upptøkuroyndir í morgin, 11. august, í Keypmannahavn, og týsdagin, 16. august, í Aarhus. Tað ber til at melda seg til X-Factor á heimasíðuni hjá TV2, men tað ber eisini til bara at møta upp. 

 

 
 
 
 
 
 
 
 
 
 
 
 
 
 
 

A post shared by Simon Kvamm (@simonkvamm)

Simon Kvamm var í vetur og vitjaði í Føroyum, har hann vísti børnunum Hvamm-dalin í Norðagøtu, sum Kvamm-eftirnavnið stavar frá

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585